شار، ڕەهەند و بونیادەکانی

ڕانیە – لە چوارچێوەی هەوڵەکان بۆ پەرەپێدانی کایەی کەلتووری و ڕووناکبیری و بە پاڵپشتیی بەڕێوەبەرایەتیی ڕۆشنبیری و هونەری ڕاپەڕین، یەکەمین دیداری پڕۆژەی (کۆدوانی میتانیا) بەڕێوەچوو.

لە دەستپێکی چالاکییەکەدا، د. ڕێبوار سیوەیلی لە توێژینەوەیەکدا بە ناونیشانی (شار، ڕەهەند و بونیادەکانی)، خوێندنەوەیەکی ڕەخنەیی و ئەکادیمی بۆ کایەی شار و مانا بونیادییەکانی خستەڕوو. تێیدا تیشک خرایە سەر گۆڕانکارییەکانی شار و ئەو ڕەهەندە هزرییانەی کە بونیادی شار لە کۆمەڵگەی هاوچەرخدا دادەڕێژن.

پڕۆژەی (کۆدوانی میتانیا) دەستپێشخەرییەکی نوێی گۆڤاری میتانیایە بۆ بزووتنی کایەی هزری، و بڕیارە هەر دوو هەفتە جارێک، پرسێکی گرنگی هزری و کەلتووری لە ڕێگەی دیالۆگێکی کراوەوە بخاتە ڕوو.